صباح الفل يابلدى

صباح وردة لعيونك 
وصباح مورد ووردة للى يحبونك 
وصباح بدعوة هدى ووردة للى يحسدونك 
يمكن يكفوا بقى الشرب منهم زاد 
صباح جميل على ولادك اللى رافضين عبودية 
صباح وصبر لكل ام للى ملوش دية
وصباح معطر لكل واحد ضميرة حى
وصباح بعبير وردك لبكرة الجاى
وصباح لكل الشباب اللى فى زنازينك
وصباح لشمسك اللى بالحريه اتاخرت
وصباح نادى لكل العيون اللى سهرت
تنادى بخضارك
تنادى بعمارك
تغسل شوارعك من الدم
تشيل عن المهمومين الهم
لاطمعانه فى سلطه ولا مشتهيه لحم اولاد العم
صباح نادى معطر بفلك وياسمينك
على كل اللى فى زنازينك
سجين فكرة وسجين رايه وسجين ماشى لا له فيهم ولا اللى ساجنينك
صباح الفل ياطاهرة
على قلوبك الطاهرة
على دروبك الساهرة اللى منتظرة دواوينك
صباح وردى على نفوسك الصافيه
على قلوبك الدافيه اللى للسلم عايزينك
صباح الفل يا حبيبتى وحشتينى
بقلم الدكتورة  حنان لاشين 
بنت سينا 

صباح الفل يا وطن موجوع

صباح الفل عليك يا وطن موجوع

مسكين انت ولااحنا اللى مساكين

 اه يا وجع انت اللى

ساكنا ولا احنا اللى فيك ساكنيين

ياوطن موجوع وواجعنا

هو احنا راجعين ولا انت راجعنا

يا بلد  عجيبه ساكنانا وساكنينها

لا هى عجبانا ولاحنا عاجبينها

 ولا هى سيبانا ولا حنا سايبينها

ولا بنرضى عنها فى يوم

ولا هى راضيه علينا

 ولا بكرة بيجى احسن ولا بنمل

 وكل يوم بنصبر وحافظينها

 اللى جاى اجمل

 وبكرة يجى لا هو اجمل ولا بنكل

شنطة سفر

وتمضى الساعات الاخيرة قبل رحيله الى عالمه الجديد عليها كانها ثوانى تنظر الى الايام التى قضاها معها وكانها يوم واحد وكان الوقت سرق منها تنظر اليه وتسمع صوتها ابنى ستذهب مرة احرى وتبعد عن الديار التى جعلتها روضه بوجودك فيها انفساك التى كانت تدفئ برودتنا فى الجو القارس وبسمتك التى كانت تشع بنورها فتحول هذا الظلام الدامس الى نور يملأ قلوبنا بهجه هذا الود اللذى ملآت به اركان حياتى والروح اللتى جعلتها تسرى فى صحراء عمرى تسمع الصوت وهى تنظر الى وجهه وهو نائم كالملاك يخفق قلبها يكاد يخرج منها يقول لو كان بيدى ما تركت ترحل عنا ولكن هذا قدر الله ومستقبلك هذة سنه الحياه تملا الدموع عينها وتحاول ان تمنعها حتى لا تحرمها نظراتها اليه لثوانى لكى تشبع من هذا الوجه المضئ تنظر الى جبهته وتدعوا الله الا يحرمه من سجودة عليها وان يحفظه وتزيد دموعها وتسمع من اللذى سينبهك ويقول لكى صلى للجماعه ساحرم هذا حبيبى كم كنت مصدر سعادة وقرب الى الله وتدعوا الله ان يرزقه الصحبه الصالحه وان يتغمدة برحمه واسعه فيكون سبحانه حافظه ومدبراموره

يفتح عينيه وكان شيئا نبهه ان امه حبيبته تقف بجانبه تتامل وجهه وكأنها تريد ان تتشبع من رؤيته قبل ان يذهب بعيد عنها وتحرم من هذة النعمه

 ينظر اليها ويبتسم لها وتسمع قلبه يناديها امى تعى بجوارى ويتزحزح ليفسح لها مجالا وهو ينظر اليها ويتعجب من هذا الحب وهذا القلب ويتذكر حب رب العالمين خالقنا كيف بنا لا نطمع فيه سبحانه ورحمته كبيرة فكل  هذالحب من امى جزء من حبه لنا بل ذرة وكانها تسمعه وكانهما متصلين على نفس الموجه تتذكر  هى الاخرى وتبتسم له والدموع تملا عينيها

فيضع راسه على كتفها  ويمسك بيدها يقبلها وتضع وجهها على راسه ويسكت الكلام فلا شئ يستطيع عن يعبر عما يشعرون به الا نظراتهم التى كانت تقول الكثير والكثير وكم كل  منهما ممنون ويشكر رب العالمين على وجودة فى حياه الاخر

 يقبل يدها برقه وبيدة الاخرى يمسح دموعها التى تتساقط من عينيها وتحاول ان حبسها ويمزح معها كعادته ليخفف عنها فدموعها اللتى تلمس يدها كانها نار تحرق قلبه على فراقها ولكنها الحياه التى يجب ان تستمر

 يقطع عليها ويقول احمد الله يا امى ان نهر الدموع لم يقفل حتى اغسل وجهى اليوم باغلى دموع  دموع  حبيبتى وتبتسم وتضمه وتسمع انفاسه التى تتسارع مع دقات قلبه وتحضن مشاعرة وهو يحاول ان يتماسك ويقول لها فقط وقت لما تحبى تشوفينى غمضى عيونك الجميله ساعات وتلاقينى فى حضنك امى تدعو له بصوتها المخنوق من السهر والبكاء والارهاق من التفكير ان تشغله الحياه ويضيق وقته فلا يجد متسع لزيارتها

 ولكن دائما هو الاذكى المحب الودودو لها المطمئن يقبل يدها وياوى براسه فى حضنها ويقول لها اطمأنى امى فى مكان اجد فيه راحتى وسكينتى ولا اجد نفسى وتهدا روحى الا على ذراعيكى بجوارقلبك امى اسمع دقاته كمعزوفه تنادينى لاستريح من عناء الحياه لا راحه لى الا فى هذا الوطن  الامن  فهذا الحنان والحب اللذى يتلالا فى عينيكى يحتوينى وساظل هذا الطفل اللذى لا يهدأ الا فى حضنك امى مهما كبرت  وشاب شعر راسى ساظل احتاج الى هذا الحضن الدافئ لاتوارى فيه من قسوة برودة الايام

ويبدا قران الفجر وهو فى حضنها ويسمعا ورحمتى وسعت كل شئ ويقطع صمتهما الظاهرى اذان الفجر وهو يقول لها لا تخافى ولا تخزنى امى حبيبتى فلطالما تدعو لى كل وقت فالله حافظى ولطالما  هذا الحضن الدافئ فى استقبالى فانا من مريد هذا الوطن الحنون  وساقف دائما على بابه  ارجو حبك ومسامحتى ورضاكى امى واسال الله الا يحوجكى الى احد من عبادة  حتى انا

حتى انا ابنك حبيبتى ويوم تحتاجينى كونى على يقين حبيبتى  انى تحت قدميكى  فانا  اللذى بحاجتك وساسعى اليكى مهرولا لان منفعتى الابديه معك فدحولى الجنه متوقف على راضاكى تقبل جبهته وهو يقبل يدها وتقول له أذهب صلى وساصلى وانتهى من وردك حتى تعود لاصلى الضحى خلف ابنى وقف ورمى نفسه فى حضنها فلم يعد يتحمل كل هذة المشاعر ولاحول له ولاقوة  الا ان يلقى بنفسه فى حضن هذا الوطن لتحتويه  بمشاعرة بكل الثورة التى  فى داخله  لتهدا فاختلطت دموعهما

فهمست له وانت تخرج منى احتلطت دماءنا وقطع الحبل السرى اللذى كان يربطنا وتتغذى منه واليوم تنفصل عنى وتختلط دموعنا عسى الله ان يربط بيبننا بحبل من المودة والرحمه لا ينقطع ابدا

قبل راسها ويدها وذهب لصلاه الفجر وعاد ليجدها تنتظرة  لصلاه الضحى فصليا وحمل حقيبته وسافر وهو لا يدرى انه  يحمل  حقيبه  سفرة و بين اغراضه قلب لا ينساه لحظه ولا يكل ولا يمل الدعاء له يحمل معه قلب يحمله هو بداخله  يذهب به ويعود معه فى حقيبه سفرة

رحمك الله يا امى وكل ام وغرس الرحمه فى قلوب كل الابناء

بقلم الدكتورة حنان لاشين

بنت سينا 

اللهم اغفر لنا ذنوبنا

• 
  

  

  
  

  
  

  اللهم ارزقنا استغفارا ترضاه منا تمحو به ذنوبنا جميعا وذنوب من احبنا فيه وذنوب كل عبد احبك وحاد ولم يجد رفيق صالح وذنوب كل ام لم يكن لها ولد يدعولها وانقطع عملها وذنوب كل اب اتقى الله ولا توجد له ذرية تدعوا لهم واستغفارا يشفع سيدنا النبى ببركته فينا استغفارا يطهر كل ذنوبنا وصلى اللهم على سيدنا محمد عليه الصلاه والسلام فى نفس ولمحة عدد ما صلى عليه كل ما فى ملكك وملكوتك صلاة تحفظنا ببركتها القران تذكرنا ببركتها ما نسيناه منه ببركتها تشفع سيدنا محمد عليه السلام فينا وبارك اللهم عليه وعلى ابونا ابراهيم انك حميد مجيد

قسوة بدافع الحب

احيانا بنقسوا على ابنائنا  بسبب قلقنا  عليهم دائما 

نقلق  عليهم  لان لدينا الخبرة التى تنقصهم  ونرى الاشياء التى  لا يرونها 

ونشعر بما يشعرون به  لانهم جزء منا ونتفاعل مع كل الامور التى تحدث لهم  

ربما يشعرون بالضيق الشديد من قلقننا الزائد عليهم 

او ربما يتمنون عدم وجودنا فى حياتهم لانهم دائما يشعرون   بالحصار منا عليهم 

دون ان يدركوا ان قلوبنا تحترق  كل ثانيه عليهم عندما نشعرانهم يعانون من بعض 

 القلق  او يشغلهم امر 

ربما ينظر الينا ابنائنا اننا فى  وادى وهم فى وادى اخر  

او ان افكارنا مختلفه ولا يمكن استيعابهم  

ابنائنا فلذات اكبادنا   وجزء منا وقلوبنا  والهواء اللذى نتنفسه ونحيا به ومن دونه نموت 

اللهم اهدى ابنائنا واسترها معهم وحافظ عليهم 

بقلم # د حنان لاشين 
#بنت سينا 

my blessing son

my greatest  blessing   has  been your presence  in my life  

my  next  greatest  blessing  to be able  to deal with you 

O lord as you are the greatest and the  most merciful make my son so strong  when  he feels weak 

make  all doors open front  him 

give  him love  and  faith 

give  him happiness every where 

احوالى مع ابنى

لما بيزعلنى واحس انه بيشتغلنى 
بحس انى عايزة املص ودانة  لكن للاسف  مابقدرش لانه ابنى وودانه لو وجعته قلبى هيوجعنى ولو اتالم انا كمان هتالم
والحل انى كل ملما يزعلنى اجى اشوف الصورة دى واتخيل  انى شديت ودانه   وطلع كل الغل اللى جوايا  وخلاص
قلب الام

لما بيبقى حنون  ووقريب  منى   ويقبل  ايديا 
بشوفه  طفل صغير نفسى اكله كداوكدا طبعا مش  حقيقى  هجيب غيرة منين 
لكن بحسه  طفلى المدلل  وابتسامته  تغمرنى الى عالم تملاؤة السعادة 
والدفئ كشمس الربيع  الحنونه 

لما بيكون فيه شئ شاغله ولا مهموم
يكاد قلبى  يتركنى  حتى يكون معه 
يؤازره ويدعمه  ويطمئنه انه  لن يتركه ابدا وسيكون بجانبة  
وقتها اتمنى ان استطيع مساعدته  وتامين كل مصادر السعادة له 
                           لا ادرى عندما  يكون له حياته  ماذا افعل 
هل  ساكون مثل كل الامهات  انتقض  كل شئ  
هل ساشعر بالوحدة فقد تعودت على وجودة فى حياتى بشكل مكثف  
هل ساتكيف  مع وضعه الجديد  
لا ادرى  كثير من الاسئله والمخاوف من المستقبل  
ولكن  مايطمئننى انها تلك الايام التى تداول بين الناس 
فالامس  القريب  تحولت حياه زوجى وكانت امه مكانى اليوم 
ادركت الكثير اليوم مما كنت اتعجب منه واستقبله بعقلى  ونسيت ان هذة الام  المسكينه تفكر وتشعر بقلبها 
رحمك الله يا امى وسامحنى  الله  على انتقاداتى لكى
فاليوم اشعر بنفس شعورك  حين  يستعد ابنى للرحيل لبدء حياه جديدة بعيدة عنى 
اليوم ادركت كيف كنتى تشعرين 
وكيف كانت تراودك  المخاوف ان يتركك وينشغل عنكى 
ربى سامحنى ولا تحملنى مالا اطيق  واربط على قلب كل ام  غاب عنها ابنها او تركها  
بقلم # د حنان لاشين 
   #بنت سينا 

حكاياتى انا وابنى

كان يوم  مرهق  جدا بالنسبه  لى فالم المرض والم  الاحساس بالضعف بعد القوة  وباتوغل مرض  الشيخوخة الى ذهنى قبل  جسدى مما اشعرنى بالوهن اكثر واكثر وشعرت بضيق كبيير لفقدانى الكثير من اهتماماتى واصدقائى يوما بعد يوم بسبب  ضعفى وتقدمى فى السن  ونظرة الناس التى لم تتغير لى وكان الايام تمر على الجميع وتقف عندى وكان الجميع مسموح له بالشعور بالالم ويقف عندى  
لاول مرة شعرت بحاجه ان اخرج كل ما كبته داخلى  وان اكون على حقيقتى مرة واحدة واعترف انى بدات اشعر بالضعف وانى لن اكون مثل سابقه  
اردت ان  اشارك ما يضغطنى ويحزننى ابنى عسانى بعد حديثه معه ارتاح 
وتحملنى  كثير من لوقت وانا اخرج كل ما بداخلى وهو يحاول  ان يخفف عنى ويشعرنى انى لست حمل عليه وعلى وقته  فانا اعلم كم هو بحاجه الى الراحه وهو يحاول ان  يقوم بدور المذكر والداعم   ويطمئننى انه موجود فى اى وقت  اذا ما اردت ان  افضفض  له   وازيح الستار عما يرهق كاهلى عسى  يرتاح قلبى وتهدأ روحى  واعلم انى مثل كل البشر نفرح ونحزن   ونقوى ونضعف   ونسعد ونتالم  وهذا هو الطبيعى فكلنا دم ولحم ولنا قلب يخفق  للمتغيرات 
تذكرت  كم كان  ياتى لى عندما يغضب او  يضايقه احد  
فيسكن بين ذراعى  ويبادلنى نظرات وتقول عينيه مالا يستطيع قوله بلسانه 
لم  يكن للكلام معنى 
فكنت ابادله نظرات تقول له انا معك  ولن اتخلى عنك 
كلما احتجتنى وجدت ذراعى  وقلب  مستعد لحمل كل ما يزعجك
وصدر  حنون يغمرك بحنانه  
لا تنزعج صغيرى 
واليوم تدور الايام واكون انا مكانه 
انا الضعيفه التى تشكو ا
وهو الحنون  اللذى يغمرنى بعطفه وحنانه ويطمئنى انه بجانبى ولن يتخلى عنى 
كم هو احساس رائع عندما يوجد فى حياتنا اناس  نكترث لامرهم وهم يكترثون لامرنا 
كم هو رائع ابنى ان اجدك حدى حين احتاج اليك 
ان يخفق قلبى خوفا عليك اذا لمسك شئ يزعجك 
ان يكون فى حياتنا شخص مهما عمل معه  صحك مسامحه 
سبحانك ربى  اذا كان هذا حالنا  
فكيف بحالك معنا 
ما يحدث بينى وبين ابنى يطمعنى فى عفوك ومغفرتك فانت خالقنا 
وكيف  لا وهذا  حالنا 
وانت الغفور وانت الرحيم 
اللهم اغفر لنا وارحمنا 
 بقلم بنت سينا 

message to my son

my  so beloved  son 

I know  you miss me  

As  I miss you 

i waited you to call me  

but  is too late  to wait you 

ask Allah  save you

protect you 

guide you

flower your   life 

make everything  with you flowery 

I am out  of word to say 

but your heart know  what  i wanna say 

take care yourself

and remember   

you are the most precious thing in the life of your mam

the diamond  glistering  in her heart 

the happiness in her life  

Remember your mam and pray for her  

by 

Bent sina

dr Hanan lachin 

كنت بنت غير تقليدية فكونى

الحمد لله 

اتولدت بنت  الحمد لله فى مجتمع ذكورى  وماله مفيش مشكله 

لكن الحمد لله ان مقتنعه ان مفيش فرق بينى وبين الولد 

اتعلمت زى الولد  ودخلت المجال اللى انا حبيته  ونجحت فيه 

ولما جيت اتزوج 

شاركت فى اختيار زوجى 

عادى دا حقى  مش بجاحه زى ما بيسموها 

حقى اختار الشخص اللى هكمل معاه حياتى 

الشخص اللى  مفروض اتحمل عيوبه قبل مميزاته 

كنت غير تقليدية لما تقدم  لى اتنين  واحد

 ااكبرسنا وكون نفسه وشاب مش حيلته الا مرتبه الشهر الجاى لان مرتبه الشهر دا صرفه 

بس انا مقتنعه ان   الفقر مش  عيب   

واقلهن مهرا اكثرهن بركه 

وكنت بقرا قصص كتيير ونفسى اذوق طعم الكفاح 

والكفاح والمرور بالازمات والشدائد  هو اللى بيقوى العلاقه بين افراد الاسرة وبيزود رابطه المودة 

وانا بجهز لم ارهق اهلى ولا زوجى 

مااشتريت الا اللى هستخدمه   فى حياتى انا وزوجى لشهور  وليس  لعام 

كل اللى جهزته كان فى  اربع كراتين   ونظمتهم بنفسى 

كان عندى الجراه اقول لاهلى ملكوش دعوة العريس هيجيب ايه  انا هو اللى هنعيش  فى البيت مش انتوا 

كان عندى الجراه  ايام الفرح لما كوبايه انكسرت وعدد الضيوف كتيير اقولهم واحد هينتظر لما حد يخلص  وانكسفتش 

كانت عندى الجراه اقول لحماتى واهل العريس وكل اللى بيحبوا الفرجه دا بيتى مش للعرض ومعنديش  حاجه  افرجكم عليها 

 كان عندى الجراة ان حفله فرحى اقوم بيها انا واصحابى 

والشبكه طبعا 

كاان عندى الجراه اعمل اعلان  وان اللى يجاملنا يجاملنا فلوس مش  هدايا   واحنا هنبقى نشترى اللى عايزينه 

وموضوع الشكولاته وغيرها مش مقبوله وعلبه الشيكولاته الدوارة تعالوا فاضيين مش عيب   والحمد لله 

اكثر من عشرين عام وانا احكى قصه زواجى  

والحمد لله ساهمنا فى زواج كثير من الشباب اللذين  كان لديهم العزم والصبر والجراه  للوقوف  ام بدع الستات وخراب جيوب  الرجاله  وتعجيز الناس

 والله فى ناس   ما بتزوج بناتها  بسبب عدم قدرتهم على الجهاز  مثل البدع اللى ابتدعوها 

كونى بنت مش  تقليدية واتزوجى شاب  بسيط  لكنه صاحب خلق ودين 

كونى بنت رفيقه باهلها  وجهزى اللى تحتاجيه فقط 

انتى اعلم بظروف اهلك 

كونى حنونه ولطيفه  بظروف زوجك  واطلبى فقط على قدر امكانياته 

كونى مع الله وارضى الله فقط ولا تطلعى  الى الناس  فبكل الاحوال سيتكلمون ولن يعجبهم شئ

اللهم ارزق بناتنا وبنات المسلمين  ازواج اتقياء   وااااااااااجعلهم قرة عين  لبعضهم وارزقهم الذرية الصالحة اميين 

بقلم # بنت سينا #

الدكتورة  حنان لاشين 

my son

my son  your  mother  always miss you 

miss the  word mam from you 

happy when with you 

the days  so long without you 

may Allah bless you 

protect you 

make everything easy for you 

اعملى زيها

اعملى زيها

بتنام بدرى عشان تقدر تصحى تصلى الفجر 

وتقول الاذكار 

هتقولى  عايزة  اعمل  فطار للعيال   وجهزهم واجهز نفسى للخروج للشغل

يابحتها عندها وقت

هى زيك بتعمل اللى انتى بتعمليه وبتشتغل  

بس بتقول الاذكار وتحفظ وتسمع الورد وهى فى المطبخ  وبتسمع قران وهى بتطبخ

اعملى زيها  وانتى رايحه الشغل  احفظى ايه كرريها طول اليوم

لما ترجعى من الشغل هتكونى حفظتيها زى اسمك

اعملى زيها

اول  لما أذن الاذان   قومى صلى علطول وافتكرى لا بارك الله فى عمل يلهى عن الصلاة 

وانتى فى المطبخ  هدى النهار على الاكل على لما تصلى او طفى النار  اذا امكن

اعملى زيها  ولو زوجك بيحب التلفزيون والاغانى متنكديش  عليه حياته وتعملى فيها ستنا زليخه واستعبطى احفظى ايتين وخليه يسمعلك  وكل شويه قوليله عايزة اتكلم معاك  شويه  واحفظى حديث ولا اقرى تفسير ايه وناقشيه فيها

اعملى زيها وقولى  لزوجك الشيخ مصطفى اسماعيل  كان اسطورة ومين تانى  من المشايخ كان زمان

هيسهر طول الليل  يدور على المشايخ

خليكى حنونه وكل شويه كوباية شاى بنعناع  وشجعيه واشكريه وهو بيعمل دونلود  للقران بيسمع وبيتسلطن  وبيفرح بنفسه وممكن ربنا يهديه  كمان

اعملى زيها ولو زوجك مش متعود يصلى فى الجامع تخيرى مواعيد خروجك وقت الصلاه وقولى ليه اتوضا لنتاخر وعند الجامع  اقترحى مش  تامرى نصلى فى الجامع  جماعه افضل  لنتاخر

اعملى  زيها  وكلمى حماتك على انها امك ولو مش بتحبيها مثلى انك بتحبيها   هيجى يوم وتحبيها وافتكرى انها ام  الراجل اللى اختارك من بين بنات حوا وسترك  وبيحبك وصابر عليكى

قبلى على ايدي حماتك  ما هى امك  ورضاها مهم ورضاها على زوجك  مهم لدخوله الجنه ورضا ذوجك عليكى مهم لتدخلى الجنه يبقى رضاها عليكى عشان تدخلى الجنه

اعملى زيها وكل  شويه  قولى لحماتك  انا بحسدك ياماما  وبدعيلك كل لما اشوف  ابنك    وتربيته وازى  حضرتك ربيته راجل ربنا يجازيكى خير خليها تحس ان تعبها اثمر 

اعملى زيها

واستحملى غيرة اخوات زوجك عليه وقدرى انه كان بيدلعهم وقل شويه فى الكلام دا عشان انتى شطبتى على وقته وفلوسه  

اعملى زيها واى حاجه بسيطه اهله يعملوها افضلى اشكريهم

اعملى زيها وخليكى عاقله مش  كل حاجه بينك وبين زوجك  ولا اهله  تقوليها لاهلك

اوعى حد يعرف حاجه عن مشاكلك وسامحى وكبرى الجمجمه ووسعى صدرك واحتوى الناس   دا الدنيا براح وكل ما بتوسع  التنفس بيكون اسهل  والاكسجين بيكون اكتر 

اعملى زيها

وتصدقى ولا يهمك على المساكين وما تسمعيش  العين بصيرة والايد قصيرة  واتذكرى تصدقى ولو بشق  تمرة

اعملى زيها  وعلمى اولادك ان الصدقه لا تنقص مال وان هناك ملك ينادى اللهم اعطى كل منفق  خلفا واعطى كل ممسك تلفا

علميهم الصدقه ليست مال   فقط وتبسمك فى وجهه اخيك صدقه

علمى اولادك دائما يكونوا فى عون زملائهم وان الله يكون فى عون العبد مادام العبد فى عون اخيه  علميهم كل  لما بيعيدوا ويشرحوا لزملائهم المعلومه بتثبت عندهم وربنا بيوفقهم

علميهم ان الاولاد  الفقرا فى الفصل  لم يختاروا ذلك وان يحسنوا معاملتهم ويتقربوا اليهم وان يشاركوهم اكلهم  واغراضهم  بدون تكبر ودونيه لان اكيد ربنا ميزهم بميزات اخرى لان ربنا عادل

علميهم النظافه فى البيت والشارع والمدرسه

عوديهم على الصلاه وشجعى الصبيان على الصلاه فى المسجد

علميهم مساعدة الجار ومش عيب   خليهم يكنسوا ويمسحوا السلم وعوديهم على الخدمه فى الشارع والحى

اعملى زيها

وعودى عيالك يقراو فى السيرة وناقشيهم

اعملى زيها وحبى كل الناس وادعى لكل الناس  واذكرى الله ديما وكل لما ماتكون بتفكرى فى شئ اقرى قران ولا سبحى ولا صلى على النبى خليكى ديما مشغوله

اعملى زيها وتنكسفيش  وانتى ماشيه فى الشارع ولاقيه حد شايل كتيير اعزمى عليها وساعديها لو كان معها اجرة التاكسى ماكنتشى شالت كرنبه والبطاطس وبقيه الخضار 

وانتى فى الشارع علميها و اتعلمى منها  

بصى بعدين اكملك  وما تنسى تدعيلها ان الله يرحمها دنيا واخرة ويخلص  نيتها ويبارك فيها   

اوعى تعملى زيها

اوعى تعملى زيها
لما تكونى طالبه فى الجامعه تفضلى تسمعى اغانى   وتضيعى  الوقت مع زملاءك وتتكلمى فى التليفون
لما تروحى الدرس تلبسى الدولاب كله  وتجربيه وكان دى هدوم حد تانى ما كل لهدوم دى اشترتيها لانها عجبتك  واهلك دفعوا فلوسها اى حاجه البسيها بسرعه وروحى الدرس  وماتضيعيش وقت قدام المرايه انتى انتى النهاردا وامبارح وبكرة ان كان ليكى عمر ربنا يديك الصحه
اوعى تسمعى الاذان وتاخرى الصلاة وتقولى لما اخلص الصفحة دى  ربنا مش ببيبارك فى عمل يلهى عن الصلاة
اوعى تتفرجى على التلفزيون وانتى بتذاكرى صاحب بالين كداب
لما يجى عريس سيبك من المظاهر والمعايير الدنيويه ركزى  على دينه واخلاقه  ونسبه
وانتى بتجهزى بلاش   تشترى حاجات ملهاش لازمه  وانسى الناس  واشترى اللى تحتاجية بس   وهتستخدميه الموضه بتتغير وكمان هترتاحى من تنظيفها من الغبار كل شويه وتكونى قدوة لغيرك بدل ما تكونى سبب اصل عشان فلانه
اوعى تكونى مصدر نكد وكبرى دماغك وما تقفى عند الصغائر
اوعى تكونى زيها وتتخانقى مع حماتك على زوجك هى امه وهيختارها ابعدى عن مربعها وشجعيه على برها هيبرك وهيحترمك وهيحبك لانه جزء منها
او تقارنى نفسك مع حد من  زوجات اخوات وبلاش شغل الحموات
زورى اهل زوجك معه او اتركيه يزورهم واتصل بيهم بالتليفون وخليكى زوق ولما ما تروحى  اتحججى بحاجات تقبل وقولى كلام رقيق   واعتذرى مش هتخسرى حاجه من كلمتين حلويين يطيبوا خاطرهم
متعمليش زيهم وتحشرى نفسك  فى كل امور اخواتك واخوات زوجك  هتتعبى  وهتتعبى الدنيا معاكى تعلمى تكونى فى حالك وبلاش شغل الخاله الحشرية
لما تزرى حد بلاش  عينيكى الراشقه فى كل حته  واحمدى ربنا على اللى انتى فيه مانتيش عارفه المدارى
بلاش سيرة الناس فى الشغل   واشغلوا بالكو باى حاجه تتعمل او اذكرى الله وبلاش  هدوم الناس شكلها ايه واللى لابس شبشب واللى شرابه مقطوع واللى هدومه مش مكويه  كل كلام ملوش لازمه
بلاش  الكلام فى سيرة الخلق   ومين زمته واسعه  انتى ما شفتى ولا جربتى

هى الناس دى بتشرب اية

ان تيجى واحدة صحبتك او مترددة على العيادة  

تقول 

انتى عارفه ناس كتيير وحواليكى شباب  كتيير بيشتغلوا معك وبنتى خلصت 

عايزين عريس  على ذوقك 

تقول  ومالوا يا بخت من وفق  زوجين فى الحلال

واهو كلوا بثواب  

بس  كل اللى حواليا خرجين جداد  ةطبعا معظمهم فاقد الامل فى مشروع الزواج 

واخر مرتب اشترى موبيل   سامسونج وفيه واى فاى 

واشترى كوتشى 

وبيعمل جمعيه عشان يشترى اى باد 

فكرة العروسه دى  مش  فى حساباته 

ليه والبنات 

طيب  هيعملوا ايه 

وطلبات اهالى العروسه التعجيزية 

لاء مين  دانا  بنشترى راجل لمهم يكون بن ناس ومحترم 

انما الشبكه والمهر  والجهاز دى شكليات 

تنبهر وتنشكح  وتتشمئط من الفرحه 

الله 

همشى فى طريق خير 

هساعد اتنين يتأهلوا الله اكبر

لسه فى اهالى محترمه   عاقله 

هيزوجوا بناتهم كما قال الرسول  صلى الله عليه وسلم  من جائكم من ترضون دينه فزوجوة 

الله اكبر 

وتحلم وتروح تدور مين من الشباب اولى 

مين ملتزم 

مين ظروفه اقلهم  الناس دى فرصه 

وتاخدة من ايدة  وتروح ليهم 

ابننا المهندس ولا الدكتور فلان خريج جديد وهياخد الحد الادنى اسم الله عليه  ومشترى هدوم تكفيه سنتين ومعه الموبيل 

عايز يخطب  كريمتكم 

طيب وايه اللى معه 

انت ترد معه ربنا وسترة 

ايوة عندة شقه تمليك 

لا ايجار مرتبه يكفى 

لا  وبعدين هيفضل ينقل العفش   كل شويه 

طيب هيجيب شبكه بكام الف

انت فى سرك هو انا كنت بتكلم لغه صينيه ما انا قلت الواد على الحميد المجيد 

لا مفيش شبكه ممكن يكتبها فى القايمه   حفظا لحقها وعشان برضوا متكونشى  زواجه سهله 

وهيجيب كام اوضه

اانت فى سرك   الله يخربيت الكفرة  امال انا كنت باوصف حال الولد لمين 

والعريس  وجهه وجهه اهله يجيبوا الوان وانت سامع اللى بيقلوه فى سرهم منك للله على البهدله  دى 

وانت فى سرك حسبى الله ونعم الوكيل  

هو دا من جاءكم من ترضون دينه فزوجوة 

وقلبك   ناقص  يطلع برة الشقه ويصرخ كان مالك ومال الحوارات دى 

وتقول والله ياولاد اللذين لو عندى بنت جاهزة للزواج لزوجتها  اله  

حسبى الله 
هى الناس دى بتشرب  ايه  وكانى انا اللى طوعت وجبت ناس عشان ابهدلهم 

اللهم اهدى   اباء وابناء وبنات هذة الامه واحصن شباب المسلمين وردنا الى  تعاليم دينا ردا جميلا طيبا  

بقلم  وسيطة #مفروسه 

بنت سينا 

الدكتورة حنان لاشين 

Drhanan Lachin

• Works at ‎مديرية الصحة‎

حورية

كثيرا ما اترك امى بسبب الدراسه  حتى بعدما انهيت دراستى لجامعيه كنت  ابعد عنها ايام  بسبب الدراسات العليا
لا استطيع وصف كم هى علاقتى بامى فهى اغلى شئ فى حياتى بل  هى كل  حياتى 
ابعد عنها ولكنها لا تغيب  عنى ولا كلماتها 
فكانت كثيرة الدعاء لى  لدرجة  اننى كنت اقوم بما عليا ولكنى مدرك اننى لا انجح الا بدعائها الى الله لى 
ولا افلح فى شئ الا  بدعائها لله  وصلاتها من اجل   واصبح عندى يقين ان الله يوفقنى لاجلها 
وكانت دائما تدعو ا لى ان يرزقنى الله بحورية  
كان حبى لامى يشغلنى عن حتى كيف  ستكون زوجتى فربما كنت احب  امى لدرجه انها هى مثال للمراه التى احب  ان ارتبط بها 
وذات يوم كنت بالجامعه  وعند عودتى ركبت المترو لانه اسهل  وسيله فى القاهرة 
وكنت اجلس بالقرب  من الباب  
واذا بفتاة  تركب على اخر وقت  وتتناثر حقيبتها على الارض  وسط الزحام ولم ارى خجلا  فى حياتى  على وجهه ملاك كما رايت 
وكانت تنظر الى حقيبتها المبعثرة  ونظرت الى وجهها التى كسته الحمرة من الخجل  وقله الحيله  ولم يحرك ذلك ساكن احد الواقفين حولها 
ووضعت اغرضى مكانى وقمت لها وطلبت منها ان تجلس مكانى وبدات  احاول التماسك مع حركه المترو  والملم اغراضها من على الارض  
حتى مكنى الله من ذلك 
واعطيت لها الحقيبه 
ويشاء القدر انها تنزل نفس المحطة 
اشياء غريبه تحدث بداخلى  فكانى عرفها او شئ يربطنى بها 
احب ان  ارفع عينى لاراها  ولكن كان يمنعنى حيائى 
وعندما نزلت من المترو نزلت قبلها ووقفت لالتقط انفاسى  واذا بها تنزل  نفس المحطه 
وكاد قلبى يترك صدرى ليتعقبها ولكنى حاولت ان اقاوم ذلك 
وحاولت ان اسير فى طريقى  متلكأ لا ادرى لماذا وكانى لا اريد ان اترك المكان اللذى توجد فيه 
ذهبت تجاه المخرج واذا باحدهم ينادى بجوارى يا ستاذ  
لم انتبه فحقيبتى بيدى ولست استاذ ولا احد يعرفنى  
ولكن علا صوته بالنداء وكان قريب من اذنى فالتفت فاذا بالفتاه مع والدها اللذى كان ينتظرها 
فقال لى انا والد الفتاه شكرا لك على ما فعلت 
حورية  قصت عليا بسرعه لانى قلقت عليها فوجهها كان لا يفسر  وجريت خلفك لاشكرك  اكثر الله من امثالك 
هو يتكلم وانا اريد ان اقول له ما اسمها 
فقلت له حورية 
من حورية 
قال هى بنتى وكانت تمشى بجانبه  ملاك يمشى على الارض  
كنت اسمع خفقان قلبى  وكان صوته يطغى على اصوات خطوات من خرجوا من المترو ويتدافعون تجاه الباب  
قلت له انا عبيدالرحمن 
مهندس  اعمل دراسات فى جامعه القاهرة  ووحيد اهلى  وباشتغل وعندى شقه  ممكن اخطب بنتك لو مش  مخطوبه ولا  مرتبطه 
كنت اتكلم مثل  مجنون ولم افكر ان يظن بى الرجل انى محنون 
وكان والدها ينظر لى بتعجب عندما طلبت يد ابنته فى الشارع ولم اعرف عنها شئ  ولم يعرف عنى شئ  
فكان يبتسم لى وهو يسمع كلماتى اللتى قلتها فى ثوانى لا ادرى كيف  
وقلت له  ان امى تعرفها 
امى طول عمرها كانت تدعو لى ان اتزوج حورية 
اذن فهى تعرفها 
اصاب الرجل الفضول  من هذا الشاب الشهم ومن امه ومن حورية 
وطلب منى ان اهدأ ويمنحى الفرصه ليشكرنى  وان نشرب شيئا فى اى  مكان قريب

وافقت على الفور  وكيف  لا هى حورية 
وقلت له من انا ومن اهلى 
وقصه امى معى ودعوتها لى 
وطلبت منه فرصه ان يتعرف  على عائلتى واخذت رقم هاتفه 
وكان صادق فى نيه التعارف  وطلب منى عنوانا وعنوان عمل والدتى وعيادة والدتى 
عدت الى المنزل   ولكن ليس  كعادتى فما حدث اليوم   غير متوقع وكنت ساحكى لامى 
ولكنها طلبت منى ان احكى لها عن رحلتى بعد عودتها من العيادة وبعدما اخذ قسط من الراحه وكانها تعلم ان لدى الكثير  

وعندما عادت امى من العيادة ادركت انى اريد ان احكى لها وظلت تسمعنى وكانت  على وجهها ابتسامه لا تختفى  
وعندما انتهيت   قربت منى اكثر حتى احتضنتنى  بين ذراعها وهى  تقلب فى موبيلها ثم قالت لى هل  هذة هى حورية 
واذا بصورة لها مع امى 
كدت اجن 
نعم امى 
كيف  لكى ان تعرفيها 
هل  هى صدفه 
هل  كنتى تعرفين الفتاه 
وكانت امى تبتسم اهدأ عبيد  اهدا 
هى ووالدها كانوا عندى بالعيادة  الليله  وتعرفوا عليا وقصوا عليا ما حدث  وانك طلبت يد ابنته 
من غيرى عبيد 
والله امى لا اعرف  ما كنت اقول   انا اسف  
قالت لى امى لقد جاء ولدها وقال  ان لم يكن لدينا مانع نزورهم  وهو موافق على عرضك ان لم يكن لدينا مانع  
فقمت وقبلت يديها وقدمها  وهى تضحك ابنى خلاص  حاضر 
وبالفعل   تزوجت الحورية 
تزوجت حورية التى كانت تدعو لى امى بها دائما كلما هممت باى عمل  
ادام الله حبك امى ورضاكى عنى  ورزقنى حور العين فى الجنه كما رزقنى حورية الدنيا 
بقلم بنت سينا
الدكتورة حنان لاشين 

هو قرة عينى

ذهبت الى العمل  كعاتى  ولكن عندما وصلت الى المكتب  اصابتنى قشعريرة  وكان الجو بارد ومن الصعب العودة الى المنزل  وحاولت التحرك خارج المكتب  من وقت الى أخر  لعلى احصل  على بعض الدفء من الحركه
وفى الساعه العاشرة اتصل ابنى  ليطمئن عليا  وكان  خارج المدينه ووجد صوتى غير طبيعى وقلت له حتى لا  يقلق  عليا
ولكنه  لم يرتاح واتصل  بوالدة ليحضر لى جاكت ولكن والدة قال له   اليوم  اوشك على الانتهاء لن يحدث لها شئ  وهى لم تدرك اننا فى الشتاء  اتركها حتى تاخذ  حذرها المرة القادمه
لم يهدأ له بال  واتصل  على صديق  له وقال له اذهب اشترى جاكيت واوصله الى امى فى مكتبها
وأكتب  على ورقه  حبيبتى امى  سامحينى لان لم اكن موجود لاجلب لكى معطفك واعلم انكى لو كنتى فى المريخ وعلمتى اننى بردان لم تهداى وتصرفتى  فسامحينى هذا صديقى   سيقوم بدورى وعسى ان ياتى اليوم اللذى ارد له ذلك لامة
احبك يا امى
فعلا انت ابن حلال
انت ابنى

مقايضة غير متكافئة ( خواطر بنت سينا)

اتصلت بى احداهن  على  استحياء  لاقدم لها خدمة ولكنها لا تملك المال  
فقد أكل  العلاج  كل  ما يملكون من مال   
وهزت نبرت صوتها  كل اركانى  لدرجه انى سمعت صوت قلبى وهو يبكى 
واستحييت من الله 
فكيف  لعبادة وهم اصحاب البضاعه الافضل  يعرضون بضاعته على استحياء  ونحن نقدم الادنى  ونشعر اننا نقدم شئ  
ووجدت نفسى اقول لها  رجاءا انتى من تمنين  علينا وبضاعتكم الافضل  
تقايضون بالجنه الدائمه فى الاخرة وتاخذون منا سلع رخيصه زائله ليس لها قيمه 
اطلبى حقك  منا  فحقك عندنا امانه ولك ان تسترديه قتما شئتى 
ان اعطانا الله المال   واصابكم بنقص فى الاموال   ليمتحن صبركم 
فحظكم فى المال  عندنا ليمتحن شكرنا وامانتنا وعندما تطلبونه تساعدونا على الشكر لله ورد الامانه 
وان اصابكم بالمرض  واعطانا القوة فنصيب  خدمتكم عندنا 
فلا نمن عليكم ولا نستحق  شكركم 
فلكم كل الشكر على اختيارنا ومنحنا الفرصه لنقوم بما هو واجب علينا 
فبضاعتكم افضل  من بضاعتنا 
لايمكن ان نساوى الدنيا  بالاخرة  
بقلم بنت سينا 
دكتورة حنان لاشين 

رساله الى ابنائى (الصدقه من جنس النعمه)

اكتب لكم ابنائى  عن مشروع بدائه على مستوى صغيرواتمنى  ان تنشروا الفكرة وتعيشوا التجربة  فكم هى رائعه  مع الاخذ فى الحسبان مرعاة حدود الله واعرافنا 
الام  التى انجبت  ان تكون  ام   لمن  امتحنهم الله  فى الصبروحرمهم من وجود احن انسانه  فى  الوجود عليهم  فالمرأة  بالفطرة ام ولديها حنان  يكفى كل  اطفال العالم 
فلماذا لا تتبنى   الامهات الاطفال  عاطفيا ومعنويا  ليس فقطالاهتمام من الناحيه الاقتصادية  ليس  الاكل والشرب واللملبس  هم فقط ما يحتاجه الانسان
الانسان يحتاج الاهتمام
الحب  والرعاية والاهتمام والمودة 
يحتاج منيحفزة 
من  يرغبه  فى الحياه عندمايكون يائس 
يذكره بربه 
وكذلك الابناء لماذالانرعى رجال ونساء  جعلهم الله  ايه ولم  يرزقهم ابناء
لماذا لا نهتم بهم  ونعطيهم الحب والرعاية  والحنان والاحترام  وان نعتنى  بهم 
اتمنى ان تعيشوا  تجربتى مع ذلك
فعشت  اخت كبرى   لمن  لم  يكن   لها اخت 
وحفيدة  لعجوز لم ترزق  
وابنه لام لم تنجب  
وام  لابنه  فقدت امها 
كم   كنت سعيدة   وانا اقبل راس سيدتى العجوز  ويد  امى   وراس اختى الكبيرة   واحنوا على اختى الصغيرة 
لماذا لا نتصدق  بما نملكه بمايرضى الله 
فالصدقه من جنس  النعمه