صباح الخير
بقول صباح الخير على كل ابن سيناوى
على كل واحد صحى من النوم وقال هقوم اخدم فى اوطانى
دانا واد جدع من يومى
وامى مصر عاوزانى
من بدرى على العبور مسرع بافكارى
واخد معايا زهور للى زرع اوطانى
وزهور محبه للى صحى بدرى معايا
وزهور لشاب قال انا تارك الماضى ورايا
ماضى المظاهر والتنبله لمستقبل جميل وييايا
وزهور من نور لطالب غيور حلف
بالجهد والعرق يابلدى هتغيرى معايا
وام فى مطبخها تفتكر ازمه
ازمه بلد محتاجه فكر ليه لازمه
تقول اليوم اكل الولاد مش هيزيد عن اللى معايا
وديون مفيش خلاص
يا ولاد فوقوا قوموا فكروا معايا
ومذيع يقول والله ماذيع الا اللى يبنى
دا بكرا دا ملك لابن ابنى وابنى
ويذيع اغانى الوطن تشعل ربوع الوادى حنين
والكل رايح وجاى يفتكر دم الشهدا فى الميادين
يحلف يقول والله ما سيب ميدانى
ولا حد يجبرنى اهمل تانى اوطانى
نور الطريق بان والعتمه اهى ولت
يالله شباب قوموا الشمس طاله
ورانا فوق العمل عمل والقلب مستعجل
يشوف نور الامل وبكرة جاى افضل
والام مستنيه محتارة من المنظر
سلوك ولادى اتبدل يا رب احرسهم
انا بكرة جايلك ياامى وكلى فدا ليكى
وطفل قادم للعبو ر دا طفل مش عادى
طفل العبور اللى شرب اخلاقه من كفك
كف اللى سهروا الليالى ولسه ما كفوا
نامى واحلمى يامه
بصورتك عروسه بين الامم
هتصيرى احسن امه
والصبر يالله ياخوانا
تفتكروا ليه اتخلق
ولا الاراضى الخضرة طلعت كدا
والله احتاجت عرق
عرق الشباب الواعى اللى ساكن فى وديانك زى المطر
يزرعها فكر وحب ويخضرالشجر
يا جدى قوم اتفرج على الملحمه الوطنيه
ولادك فى المعركه اسود
وحلفوا تانى يا جدى عصر الفساد ما يعود
ويا خضرة قومى يا خيه روحى على مدرستك انتى وبهيه
ماتنسى تاخدى زايدة وسلمى على محو الاميه
دا العلم نور يا خيه
وما علم الا بتقوى قالها رب البريه
دعاك يا جدى لينا وانتى ياامى
نشر المعرفه يا امه صاير هو همى
العلم نور يا امايا
ادعيلى يكون حدى
وادعيلى بالتقوى
والهده للى يوقف ضدى
سلام ياوردة بلدى فى قلبى
يا عطر فايح سابقنى على دربى
سلام يا احلى مصر خلقها على مر الزمان ربى
بقلم بنت سينا دكتورة حنان لاشين
ليست هناك تعليقات:
إرسال تعليق