كاترين
يا مدينه جالها اربعه فى عام واحد
ولاشاف اهلها مشروع اتعمل فيها واحد
ولاسمعوا ولاشافوا مسؤل اهتم فيها واحد
ووزير للسياحه فاكر ان فيها اوتيل واحد
وفيها شباب شباب ينفع يكونوا رجل واحد
والله لو اتوحد وا وقرروا يكون على قلب رجل واحد
لقلبوها وخلوها مدينه زينه كل المداين
جبالها وتلالها وخيامها ومخياماتها ما يشبها واحد
كاترين يااجمل مدينه فى سينا
ياللى نسوكى المسؤلين ونسيوا انك فينا
وان جمالك وطبيعتك الربانيه
غرساكى غرس فى قلوب كل البرية
يا ارض يا مقدسه وفيكى جبل موسى
يا ام الاهالى الطيبه دا انتى فى سينا العروسه
ماشفت السماحه الا فى شيوخك وشبابك
ولا حسيت بطعم الامان الا وانا واقفه على بابك
هيجى يوم ويعرفوا انك كنز الكنوز
وجبالك العاليه غالية يا ارض الفيروز
وديرك ووديانك
وكل شئ فيكى زانك
والمحميه وانتى محميه
وجبالك وسهولك وحتى فى سيولك
جميله ومعدية
كاترين يا ارض تايهه فى عيون المسؤلين
شايفينك بعيدة
وجبالك عتيدة
وولادك عنيدة
ووديانك مديدة
وميتك بعيدة
بعيون الجاهلين
وانتى بعيون احبابك
الزهرة الفريدة
وجبالك الرشيقه
وابارك العميقه بميه سلسبيل
وديرك الحنون
وشجر الزيتون
من اسرار جمالك
وطبيب البادية احمد الجبالى
ومصور البادية حميد المثالى
ومفوه البادية سليمان الجبالى
ومحمد هشام دا ولد همام
وفايز فى التصفيه بالمنطقة الاستوائية
للنباتات الطبية احمد الجبالى
ومشايخ كلهم طيبه
وكرم ما لقيته غير فيكى
واطفال مش كتير عليكى
بلاغه حاجه عجيبه
والجهله يقولوا صحرا
تنميه فيكى صعبه
عميان حاجه غريبه
يارض يا مقدسه
طالعك جيل جديد
هيخلييكى ريسه
على كل الاماكن
والكل يحلم انه كان يوم فيكى ساكن
كاترين يا ارض عالية
انتى فى قلوبنا غالية
اربعه مسؤلين اتغيروا عليكى
فى عام ولا غيروكى
بكرة ولادك يجيكوا
بايدهيم يغيروكى
بايديهم يلبسوكى فستانك الجديد
شتاكى وصيفك ماتغيروا عليكى
شتاكى اوروبا
ودفئك محبة بتشفى العليل
وصيفك نسايم وهدوءك دا ليل
الشمس ا للى توارت بين غيومك وحارت
وقلوبناا للى دابت لكثرة همومك وعقولنا اللى خارت
من جهل الجاهلين
اهمال اغتال زرعك
وسيول كلت طرقك
ولاضمير طرقك
ليخلصك من مرك
وبردك القارس فى شتاكى
وطفلك المريض من الاهمال باكى
وشيخنا من الالم لله للمسؤلين شاكى
وانا ما املك غيرالاحلام ليكى
اتمناها لاهاليكى
اشواقى وتحياتى لكل شبرفيكى
واخر الكلام
بقولك السلام
يا ارض السلام
على كل اللى فيكى
وربنا القدير
وصاحب التدابير
وميسر العسير
ومبدل المصير
وديما بيحميكى
بنت سينا
دكتورة حنان لاشين
كل الشكر والتقدير لاهالينا فى كاترين واخوانا وابنائنا فى الارض المقدسه وخاصه مصور البادية الاستاذ حميد والاعلامى سليمان الجبالى والمهندس محمد هشام وكل مشايخ كاترين
ليست هناك تعليقات:
إرسال تعليق