.jpg)
بعد اليوم المعتاد فى الخلاط اليومى مابين اعمال المنزل والعمل الحكومى والدكانه (اقصد العيادة ) وكان فيه حالتين مشاكلهم حرمتنى النوم بسرعه وكانت احداها مشاكل الخطوبه والامور المادية اما عريس مناسب والامورالمادية سيئه او عريس غيرمناسب شكلا وموضوعا ولكنه يمكلك المالوالنتيجه معروفه الرفض فى الحالتين ومشاكل نفسيه
وتخيلت نفسى لوكنت مكان احدى الحالات
العريس فى العشرينات من عائله محترمه
امكانياته الماديه مثل شباب جيله اشترى بمرتبه موبيل ولاب توب ويادوب يشترى طقميين يروح بيهم الشغل
هوواضح انه ملقاش عقد عمل بسرعه فكان بيقضى الوقت فى البيت فى الاكل
فيعنى وزنه زاد شوية لايمكن شويتيين والعروسه عايزاه طبعا شبه مهند
لكن الشهادة لله الولد مهذب وعلى خلق ومثقف وخيرجدا اللى بيتبقى معه بعد كدا بيطلعه لله
امه بتحبه اكتراخواته لانه بيبوس على ايديها رايح جاى وكل شويه يسالها اساعدك فى حاجه يا أمى ياحبيبتى
وكل الجيران بيحبوة واصدقاؤة وكل صلاته فى الجامع
الحقيقه انا شخصيا شايفه انه عريس لقطه
وطبعا لو كنت مكانهم كنت هقوله كلك على بعضك حلو
لكن مهر بنتى بسيط
هتزيد ثلاثين وتنقص ثلاثين
محدش يستغرب
هيحفظ القران
ويخس ثلاثين كيلو
طبعاهيبرق بعينه ويبحلق وجايز ما يصدق
معقول
طبعا فاكر الامر سهل
لكن الامر ليس باليسير ويحتاج جهاد
فان اخلص زوجته ابنتى
لان من يجاهد نفسه ويحفظ كتاب الله بالاضافه الى كل هذةالخصال الحميدة
شرف لان يكون ابن لاى عائله ويؤتمن ان يكون زوج لاغلى درة على الارض
البنات ليسواسلعه ولا يوجد كمال لاحد من البشر
ولا ننسى قول الحبيب من جاءكم من ترضون دينه فزوجوة
اللهم ارزق بناتنا وبنات المسلمين ازواج يخافونك فيهم
بقلم ام البنات
بنت سينا
الدكتورةحنان لاشين
ليست هناك تعليقات:
إرسال تعليق