انتى يا بنتى ركزى شوية الامتحان خلاص
نعيد تانى مين اللى قتل كليبر
سليمان الحلبى يا ماما هى قصة
الام : طيب هو منين يعنى لما يجى سؤال من اى دوله
الطفله : من فلسطين
الام : يابنتى حرام عليكى سيبى اللى فى ايديك وركزى شوية حلبى يعنى من سوريا
تن تن صوت رسالة على برنامج الشات اللى بيتسلى عليه الاب
الام : طيب حبيبتى خدى حلى الكام سؤال
تن تن رسالة تانية والاب مركز ونصف ابتسامه
الام : صوت داخلى والفار شكلو بيلعب حوالينا وشوشو مش ساكت يمكن حد من بنات حوا الضالين عايزة تتعرف على زوجك الامور
نار الغيرة بدات الشرارة الاولى تشعلها
قامت الام وبسرعه رشقت عينيها فى الجهاز على صندوق الرسائل وهى بتقول تحب تشرب شاى ياحبيبى
الزوج : مسكين مش عارف يدوس على حاجه لان راسها تقيبا راشقه فى الجهاز
طيب ياحبيبتى
الزوجه بالليمون ولا النعناع وعينيها راشقه بجيب اسم الغرفه اللى فيها على نفس ذات خط العرض اللى عليه الصندوق
الزوج : بالليمون وهو نفسه يخنقها
الزوجة : عنيا يا عمرى دقايق
الزوجة: حطت الميه تغلى فى البراد على النار وجرى على الكومبيوتر
وفتحت البرنامج
وضافت الاسم اللى كان بيبعت رسائل ومسبب ازعاج لان الزوج ماكنشى قافل الصوت ودى غلطته
السلام عليكم اختى كيف حالك ارسال
تن
هذا المستخدم لا يقبل رسائل الا الموجودين فى الليسته له
ياليله بيضه هجيبها ازاى
طبعا هى فاكرة اسم الغرفه
بحث - اسم الغرفه اه الحمد لله يارب تكون هنا
الميه فى البراد بتغلى وهى قلبها بيغلى يانهار لو ما عرفت اوصل الها ستتوغل وتستمر
لالالالا
لازم اوصل الها
بسرعه الشاى والنعناع
يووة نسيت اصفيه
مش مهم برضوا فيه الياف مفيد يمكن يحب ياكل الورق بعد ما يشرب السائل
اتفضل حبيبى
الزوج شكرا حبيبتى
خلصتى يا بنتى
الطفله لسه ياماما سؤالين
الزوجة : براحتك وابقى حلى الصفحة اللى بعديها
تن تن
النار اشتعلت وزادت وديكسان بقى مستعد لتفجير اى هموشه تيجى على حاجه الها
الزوجه : دخلت غرفه الشات
اغانى ياظلمه
وعبدالحليم
لالالا دى مؤثرة جدا
كمان الاسم هى الادمن
اعمل ايه يارب
نيس سونج ياحبيبتى
ذوقك رائع
بعدشوية
ايه الحلاوة دى
فى سرها
الله يخرب بيتك هذاكر للبنت الحمله الفرنسية ولا اقعدلك
لا خلاص مش طايقه ومفيش وقت البنت هتنام منى ولازم نخلص التاريخ اوف
لوسمحتى يا حبيبتى ممكن الخاص
الادمن ام صوت ناعم : طبعا
الزوجه : السلام عليكم لو سمحتى ممكن ما تكلميش رجاله على الخاص
الادمن ام صوت ناعم: وعليكم السلام بس انا مفيش رجاله فى الليست تبعى
الزوجه : هههههههه
الادمن : ايه اللى فى كلامى يضحك
الزوجة : امال اللى انتى خبطتى عليه وعماله بتورى معه بقالك ساعه دا اية
زوج شراب زوجى يا ضنايا وانا عندى اربع عيون اتنين فى بيراقبوه عشان سلامته والنظارة بتذاكر
الادمن ام صوت ناعم : اسمه اية
الزوجة :مش هقولك اسمه بس كدا ياحبيبتى حرام تكلمى رجاله على الخاص
وانتى اللى تخبطى عليهم لان ليستتك مقفوله كدا يفهموكى غلط
وبعدين الخاص مثل الغرف المغلقه لا يصيير تجلسى فيها مع رجال
الادمن ايو يامدام اسمه ايه
الزوجة :مش هقولك عشان تشيلى كل الرجاله اللى عندك او هعمل نسخ وانشرهالك فى الغرفه
الادمن الجميله بسرعه قفلت الغرفه
الزوج مش عارف ايه اللى بيحصل
الادمن ام صوت ناعم : بطلت تحكى معه
وجهه جاب الوان من الغيظ
يخبط عليها
الرسالة هذا المستخدم لا يقبل رسائل الا من الموجودين فى الليست
رفع راسه من على الجهاز واتلفت لزوجته لقى ابتسامه النصر على وجهها
وايقن ان العمليه مش طلعت من تحت ايدها
الزوج لزوجته
انتى ياوليه يا مفترية عملتى ايه فى البنيه
الزوجة : اى بنيه يا حبيبى وليه متعصب عليا
دانا لسه عامله كاسه شاى بالنعناع ومقدماها بحنيه
والبنت بتذاكر وسهرانه للصبحية
الزوج : عارف الاعيبك يا مفترية
وراسك اللى كانت راشقه فى الجهاز مش عدت عليا
بس قلت انتى ملبوخة فى مذاكرتك لبنتك يا شقيه
يا رب مش عايزها كفاية كدا عليا وطبعا دا فى سره والا ماكنشى شاف الصبحية
طول الوقت مزنقه عليا
لعارف اشم نفسى ولا سايبه اى حاجه حلوة تهوب عليا
ضحكت المفترية وقالت له
اى هموشه ولا نموسه هتقرب عليك
هصعقها يا عنيا
الزوج: قلتى ايه ولا عملتى ايه البنت قفلت الدنيا ومشيت
ولاحاجه قولت الها بلاش رجاله على الخاص مالو العام
وسالتنى اسم زوجك مرضيتش اقولها وباين كانوا كتيير قفلت ورمتكوا كلكوا فى الشارع
الزوج: الله يجازيكى يامفترية البنت خبطت عليا كنتى سيبينى اخد نفس شويه
واطيب خاطرها بشوية حنيه
هو انتى ر بنا مسلطك عليا
الزوجة : وليه بتحسبها كدا ياحبيبى
ليه مش لانى بحبك وبغير عليك
وربنا بعتنى الك عشان احميك
مالها غرف القران
تسمع اصوات جميله وتراجع معلومات وصحبة حلوة وكلام رب العالمين
ويا سلام لو شاركت معاهم بصوتك الجميل
وانا اركز مع الحمله الفرنسيه الله ينتقم من اللى حط مناهج الابتدائيه
الزوج لزوجته : انتى مفترية بس والله العظيم عسلية
الخلاصه
حطى عقلك فى راسك وعينك على زوجك وخليكى غفير الدرك
واوعى تنشغلى عنه وكل شوية شغلى النفير هه مين هناك
ولا هتيجى بنت لاذينا تخطفه منك وتقعدى تغنى ظلموه
خاصه لو دمه خفيف ولا عندة شعرتين طالعين فى راسه ولسه الهوا ما طيرهمش
بقلم
بنت سينا ( الدكتورة حنان لاشين)
تحياتى لكل ست غيورة بعقل ( بعقل اه متزودهاش احسن مرارة الرجاله فيها ضمور)
تصحى الصبح تلاقى نفسك خارج نطاق الخدمه بعد الشر
والله انتي عسوله وعسليه ودي قصه حلاوتها انها واقعيه واغلب الرجاله والشباب اكيد بيعملوا كده. بس مش كل الستات تعرف تعمل الاجراءات دي انا اعرف ستات بتعيط من كتر قاعدة ازواجهم ع النت ومش عرفين يعملو ايه .
ردحذف